သိခြင်းသဘောမှာ ကိုယ်တိုင် ကိုယ်ကျ လက်တွေ့သိခြင်း၊
သိတယ်လို့ ထင်နေခြင်း၊
သိသလိုလို ဖြစ်နေခြင်းဆိုတဲ့ ကွဲပြားမှုတွေရှိတယ်။
အမှန်တရားကို အမှန်အတိုင်း သိခြင်းသဘောဟာ
ဘ၀အသစ် တစ်ဖန်ပြန်ဖြစ်ခြင်းတွေ ရပ်တန့်သွားအောင်၊
ဒုက္ခအပေါင်းက လွတ်မြောက်သွားအောင်..
ဘယ်လို အားထုတ်ရမယ်ဆိုတာကို သိနေခြင်းပဲ။
နေရာတိုင်းမှာ အဆက်မပြတ် တရစပ် ဖြစ်ပေါ်နေတဲ့ သိစရာ အာရုံအားလုံးကို သိစရာအနေနဲ့ သိနေခြင်းပဲ။
တောင်ပုလုဆရာတော်ဘုရား သက်တော်ထင်ရှားရှိတုန်းက လျှောက်ထား မေးမြန်းဖူးတယ်။
‘အရှင်ဘုရား မြတ်စွာဘုရားက ဘာတရားတွေ ကျင့်လို့ ဘုရားဖြစ်တာလဲ?’ လို့
ဆရာတော်ဘုရားကြီးက ချက်ချင်း မဖြေဘူး။
မေးခွန်းထုတ်တဲ့သူကိုသာ အချိန်တော်တော်လေး ကြာတဲ့အထိ စိုက်ကြည့်နေပါတယ်။ ပြီးမှ
“ဘာပဲလုပ်လုပ် သိကွာ”တဲ့…
တစ်ခွန်းတည်းပဲ မိန့်ပြီး နောက်ထပ်ဘာမှကို မမိန့်တော့ဘူး။
“ဘာပဲလုပ်လုပ် သိကွာ”တဲ့။ ဒီစကားရဲ့ အဓိပ္ပါယ် အကျယ်အ၀န်းကို ငါးနှစ်လောက်ကြာမှ သိတော့တယ်!
ဘာပဲလုပ်လုပ် သိနေရမှာတွေကတော့ မနက်အိပ်ယာကနိုးတာနဲ့ တစ်နေကုန် မြင်သမျှ၊
ကြားသမျှ အာရုံခြောက်ပါးနဲ့ ထိတွေ့သမျှ စိတ်တွေနဲ့ ပတ်သက်ပြီး
ဘာကိုသိနေလဲ? ဆိုတာ သိပေးနေရမယ်။
ဘယ်လောက်ကြာကြာ သိနိုင်လဲ? ဆိုတာ သိပေးနေရမယ်။
သိမှုအပေါ်မှာ ဘယ်လိုတုံ့ပြန်နေလဲ? ဆိုတာ သိပေးနေရမယ်။